http://janathamirror.com/harbors-will-provide-employment
హార్బర్ల నిర్మాణంతో 80 వేల మందికి ఉపాధి..
శ్రీకాకుళం జిల్లాలో బూడబుట్లపాలెంలో, విశాఖపట్నం పూడిమడకలో, పశ్చిమగోదావరిలోని బియ్యపుతిప్పలో, ప్రకాశం జిల్లాలోని కొత్తపట్నంలో మరో రూ.1365 కోట్లతో త్వరలో మరో 4 ఫిషింగ్‌ హార్బర్లకు టెండర్లను పిలిచి.. వాటిని కూడా ఈ సంవత్సరంలో ప్రారంభించేలా చేస్తామని తెలియజేస్తున్నాను. రూ.2775 కోట్లు వెచ్చించి 8 ఫిషింగ్‌ హార్బర్లను కూడా తీసుకువచ్చి.. దాదాపుగా వీటితో 80 వేల మంది మత్స్యకార కుటుంబాలకు ప్రత్యక్షంగా, పరోక్షంగా ఉపాధి కల్పించేందుకు వేగంగా అడుగులు ముందుకువేస్తున్నాం.
చేపలు, రొయ్యలు పండిస్తున్న ఆక్వారైతులు, వేటకు వెళ్లి చేపలు పట్టుకునే మత్స్యకారులు ఎట్టిపరిస్థితుల్లో నష్టపోకూడదు. పండించిన ఆక్వా పంటకు, వేటకు వెళ్లి తెచ్చిన చేపలకు సరైన గిట్టుబాటు ధరలు ఎల్లవేళలా అందుబాటులోకి రావాలని ఏకంగా 100కు పైగా ఆక్వా హబ్‌లను రాష్ట్ర వ్యాప్తంగా నిర్మించేందుకు కార్యాచరణ చేశాం. ఒక్కో హబ్‌ కింద 120 రిటైల్‌ షాపులు ఏర్పాటు చేసే కార్యక్రమం చేస్తున్నాం. 100 ఆక్వాహబ్‌లు, 12 వేల రిటైల్‌ షాపులు రాష్ట్ర వ్యాప్తంగా రానున్నాయి. వీటి వల్ల ఆక్వా పంట, వేటకు వెళ్లి తీసుకువచ్చిన చేపలు మంచి రేటుకు అమ్ముకునే వెసులుబాటు కల్పించే కార్యక్రమానికి ఈ సంవత్సరం శ్రీకారం చుడుతున్నాం.
No comments:
Post a Comment